Драган Бошковски - Прва самостојна изложба

Здружението за промоција на интелектуални, мултикултурни и спортски вредности - МОТУС од Куманово, во период од 16 април (среда) 2025 до 05 мај 2025 во просториите на Центар за култура „Трајко Прокопиев“ во Куманово, ја организира својата прва  изложба од областа на ликовната уметност, под наслов „Драган Бошковски - Прва самостојна изложба“.

 Драган Бошковски е наш сограѓанин кој со ликовната уметност се занимава во континуитет веќе педесетина години, започнувајќи со своето прво дело кое го има насликано на 13 годишна возраст. Слика во техниките масло на платно, лесонит, шперт плоча и дрво, темпера на хартија, картон и платно.

 Во периодот од 2001 до 2025 година, со своите дела редовно учествува на изложбата „Самоуки“ во организација на НУЦК „Трајко Прокопиев“ од Куманово.

 Неговиот творечки опус надминува четиристотини дела, од кои добар дел се наоѓаат во приватни колекции на просторите на поранешна Југославија, Холандија, САД, Италија и Бугарија.

 Оваа изложба воедно е негова прва самостојна изложба со која се претставува пред пошироката јавност.

              На изложбата беа изложени вкупно 22 дела, работени во техниките масло на платно и лесонит, како и темпера на хартија, картон и платно.

           Финансиер на изложбата е Општина Куманово, преку програмата за подршка на културни манифестации за 2025 година.

 Изложбата беше отворена на 16 (среда) април 2025 во 19:30 часот во просториите на Центар за култура „Трајко Прокопиев“ во Куманово.